Rrjedhjet e mëdha që shpërthyen në tubacionet e gazit Nord Stream në fund të shtatorit, ishin një “akt i terrorizmit ndërkombëtar”, tha të mërkurën presidenti rus Vladimir Putin.
“Kjo kishte për qëllim të minonte sigurinë energjetike të një kontinenti të tërë”, deklaroi Putin në një seancë plenare të Javës vjetore të Energjisë Ruse në Moskë.
Sulmet vendosën një “precedent të rrezikshëm”, dhe tregojnë se “çdo pjesë e transportit apo infrastrukturës kritike është në rrezik tani”, shtoi ai.
Autoritetet evropiane po hetojnë shkakun e rrjedhjeve, por kanë thënë se dyshojnë për një akt sabotimi.
Burimi i lajmit: CNN. Përshtatur nga Tirana Today
