Presidenti i Rusisë, Vladimir Putin ka folur sot për një sulm të mundshëm ndaj Koresë së Veriut.
Gjatë fjalimit të tij në Forumit Ndërkombëtar të Energjisë, Putin tha se mund të ketë një sulm global për të çarmatosur Korenë e Veriut, ndërsa shtoi se pasojat janë të paparashikueshme, pasi kemi të bëjmë me një vend të izoluar.
“Një sulm global për të çarmatosur Korenë e Veriut do të ishte i mundur, por rezultati i tij do te ishte i paparashikueshëm, pasi Koreja është një shtet i izoluar.
A mund të nisë dikush një sulm global? A do t’i arrinte ai objektivat e tij? Kjo është e paqartë, sepse askush nuk e di me siguri ku duhet të godasë”, tha Putin.
Presidenti rus shtoi se retorika shtrënguese kundër Phenianit i jep më shumë pushtet udhëheqjes së Koresë së Veriut.
