Ekonomia ruse “po përballon ndikimin e sanksioneve”, tha të hënën Presidenti Vladimir Putin, pavarësisht nga një perspektivë e zymtë ekonomike për vendin pas pushtimit të Ukrainës më 24 shkurt.
“Pavarësisht nga të gjitha vështirësitë, ekonomia ruse po i reziston ndikimit të sanksioneve dhe po e përballon mjaft mirë”, tha Putin në një takim me presidentin bjellorus Alexander Lukashenko në qytetin turistik të Soçit në Detin e Zi. “Kjo është sipas të gjithë treguesve kryesorë makroekonomikë”.
“Po, nuk është e lehtë. Gjithçka që ndodh kërkon vëmendje të veçantë nga blloku ekonomik i qeverisë. Në përgjithësi, këto përpjekje po japin një efekt pozitiv”, shtoi ai.
Banka Qendrore e Rusisë tha në fund të prillit se ekonomia ruse pritet të tkurret me 8 deri në 10% në vitin 2022, duke vënë në dukje një rënie të aktivitetit ekonomik në mars pas vendosjes së sanksioneve ndërkombëtare ndaj Rusisë. Në fillim të të njëjtit muaj, Banka Botërore parashikoi se GDP-ja ruse do të tkurej me 11.2% në vitin 2022.
Burimi i lajmit: CNN. Përshtatur nga Tirana Today
