Presidenti rus, Vladimir Putin u shpreh sot se ndihej një “person i zakonshëm” që i pëlqen të lexojë romane historike dhe të dëgjojë Mozartin, por që zotëron një detyrë jo si gjithë të tjerët.
“Ju e dini, unë e konsideroj veten si një person të zakonshëm”, deklaroi Putin, gjatë një seance pyetje-përgjigje me të rinjtë rusë të moshave 10 deri në 17 vjeç, transmetuar drejtpërdrejtë nga televizioni NTV.
“Sigurisht, duhet të them se bëj një punë jo si pjesa tjetër, por bëj një jetë normale, të zakonshme”, u shpreh ai, gjatë këtij takimi që u zhvillua për gati tre orë në një qendër për fëmijë të talentuar në Soçi, në brigjet e Detit të Zi.
Putin pohoi se tregon kujdes të veçantë për të patur një agjendë të përditshme që e lejon për të patur kohë për të dëgjuar muzikë, për t’u ushtruar në sporte dhe për ruajtur marrëdhëniet me miqtë e tij.
