Këngëtarja Eneda Tarifa ka lënë pas të shkuarën dhe ndarjen me bashkëshortin. Ajo është shfaqur krah një mashkulli, që duket se i ka rrëmbyer zemrën. Mashkulli që i ka rrëmbyer zemrën Enedës është Gent Lasku, profesioni i të cilit është basketbollist.
Artistja është fotografuar në krahët e basketbollistit Gent Lasku në një lokal duke u përqafuar. Në një moment sportisti e puth edhe në ballë këngëtaren.
Këngëtarja e njohur, Eneda Tarifa, i dha fund lidhjes së saj me kompozitorin Erjon Zaloshnja pas 18 vitesh. Ata janë gjithashtu prindër të një vajze.
Genti Lasku është një basketbollist profesionist i cili luan për klubin e Tiranës në Superligën Shqiptare të Basketbollit si dhe Kombëtaren e Shqipërisë.
Gjithashtu në vitin 2021, ai është përfshirë në politikë. Ai kandidoi si deputet nën logon e Bindjes Demokratike të Astrit Patozit në zgjedhjet parlamentare, por nuk arriti të fitojë mandat.
“Genti Lasku, një kampion race në ekipin e Tiranës. Ai ka një vizion të qartë politik dhe eksperiencën e duhur në administratën publike dhe në sipërmarrjen private për të nisur një rrugëtim të ri.
Sekretar i Përgjithshëm i Federatës Shqiptare të Shpëtimit të Jetës në Ujë, Genti mendon se sot ka ardhur dita të angazhohet fort në funksion të projektit tonë, që synon mbi të gjitha ndryshimin e ambientit politik në Shqipëri. Të nderuar dhe krenarë që në këtë sfidë të bukur kemi në vijën e parë të sulmit një kampion si Genti”, kështu e prezantoi Patozi në atë periudhë.
