Një 34-vjeçar është plagosur nga policia serbe në Medvegjë. Bëhet fjalë për Milazim Murati nga Gërbaci, i cili shërbente si roje pylli.
Lidhur me këtë rast, ka reaguar kryetari i Këshillit Kombëtar Shqiptar, Ragmi Mustafa, i cili shprehet se i plagosuri ndodhet në gjendje të rëndë.
“Një lajm sa i hidhur po aq i tmerrshëm. Plagoset i riu Milazim Murati nga Gërbaci i Medvegjës, nga autoritet policore. Le të lutemi që të shpëtojë nga fataliteti”, shkruan Mustafa në faqen e tij në “Facebook”.
Murati është dërguar fillimisht në Spitalin Rajonal të Gjilanit, e më pas është transportuar për në QKUK.
