Edhe pse mosha e daljes në pension për gratë është 60 vjeç e 8 muaj ndërsa për burrat 65 vjeç ky ligj mbetet i shkruar vetëm në letër, sepse në Bashkin e Gramshit nuk gjen zbatim.
Nga një vëzhgim i BOOM rezulton se në këtë bashki janë të paktën 3 punonjës që edhe pse e kanë mbushur moshën e pensionit vazhdojnë të punojnë në ketë institucion.
Me konkretisht Afërdita Doko Përgjegjëse e Sektorit të Tatim-Taksave, Enver Qose Zv/Kryetari i Bashkise dhe Fatos Shuli Inspektor I Shërbimeve Publike kanë mbushur moshën e pensionit, por ende vazhdojnë punën.
Ndërkohe që qindra të rinj të diplomuar janë në kërkim të një vendi pune kjo Bashki shkel çdo ligj duke mbajtur në punë personel i cili ka mbushur moshen e pensionit.
Gazetarja e BOOM ka takuar Sekretarin e Përgjithshëm të Bashkisë Gramosh, i cili thotë se posti i nënkryetarit është politik dhe e vedos kryetarja.
Gazetarja-Në Bashkinë e Gramshit janë minimalisht 3 punonjës të cilët kanë mbushur moshën e pensionit por aktualisht vazhdojnë punë. Më konkretisht Enver Qosja Nën Kryetari i Bashkisë 68 vjeç, Afërdita Doku dhe Fatos Shuli Përgjegjes i shërbimeve 66 vjeç. Të gjithë këto persona duhet të ishin në pension tani.
Sekretari i Përgjithshëm – Lidhur me Nën Kryetarin e Bashkisë është Enver Qosja. Ai është pozicion politik më tepër dhe kryetarja mund ta mbajë jashtë pensionit, megjithatë ai po i bën procedurat e pensionit. Afërdita Doka po rri se është me statusin e nënpunsit civil përgjegjsja e taksave.
Gazetarja- Po Fatos Shuli? E njejta gjë, duhet të kishte dale në pension vazhdon punën aktualisht.
Sekretari i Përgjithshëm – Unë e di që ky po i bën letrat e pensionit. Nuk e di pse …? Kryetarja i mban për faktin sa të bëjë letrat e pensionit zgjat 2-3 muaj. Kur e ka mbushur ky Fatos Shuli?
Sekretari i Përgjithshëm – Automatikisht që do largohet, por me sa duket vonohet vetëm për procedure që mos t’i lërë dhe Kryetarja pezull 2-3 muaj sa të bëhet dokumentacioni
Ndërsa drejtoresha e Burimeve Njerëzore tha se nuk mund të kthejë përgjigje sepse nuk i kujtohet procedura e rekrutimit për të gjithë punonjësiot.
Gazetarja- Na ka ardhur informacion që janë 3 punonjës të cilët kanë mbushur moshën e pensionit dhe aktualisht vazhdojnë të punojnë në Bashkinë tuaj. Doja të dija pse nuk janë liruar këto vende pune, ndërkohë që këto persona e kanë mbushur moshën e pensionit?
Drejtoresha e Burimeve Njerëzore-Nëse ti më flet për persona unë nuk mund të sjell ndërmend procedurën se si rekrutohen. Këto persona që më the më duhet të shoh procedurën se ku ka ngecur. Pse? Si? Qysh? Tek?
Gazetarja-Ju nuk e dini që Nën Kryetari është 68 vjeç, me gjithë respektin që kemi për moshën?
Drejtoresha e Burimeve Njerëzore-Nuk mund të jap informacion paraprak nëse unë nuk verifikoj dokumentat në dosje.
Gazetarja-Që kjo është shkelje nuk diskutohet,por arsyet e kësaj shkelje unë doja t’i mësoja nga ju.
Drejtoresha e Burimeve Njerëzore-Që të mos jap informacion verbalisht , më paraqit një kërkesë me shkrim dhe unë do të jap informacionin.
Tani zoti Enver Qosja është e vërtetë e ka mbushur, është pozicion politik emërohet dhe shkarkohet nga Kryetari. Duke qenë se ndihmon Kryetarin në ushtrimin e funksioneve…
Gazetarja-S’ka asnjë person tjetër që ta ndihmoje Kryetaren?
Drejtoresha e Burimeve Njerëzore-Jo, nuk ka asnjë aplikim për atë pozicion.
Gazetarja-Që të aplikohet fillimisht duhet të shpallet vendi vakant.
Drejtoresha e Burimeve Njerëzore-Çdo pozicion që ka një shënim vakant është i lirë, tani për pjesën e …
Gazetarja- Zotit Enver nuk ka shënim vakant? E kuptova!
Drejtoresha e Burimeve Njerëzore- Kurse Fatosi në fakt, në prill i ka mbushur.
Gazetarja- 6 muaj përpara fillojnë procedurat e daljes në pension.
Drejtoresha e Burimeve Njerëzore-E di, por duhet të merrni parasysh edhe Njësia Administrative për të cilën flasim ka një shtrirje shumë të vështirë gjeografike. Më beso që është shumë e vështirë që të shkoje një punonjës të punojë atje me nivelin e pagave që është në qeverisjen vendore për bashkitë e vogla, siç është Bashkia e Gramshit./Oranews/
