Së fundmi është bërë publike fotoja e 65-vjeçarit i cili abuzoi seksualisht me një 15-vjeçare.
Ai quhet Abaz Doku dhe sikurse është raportuar më herët, dikur kishte qenë roje në shkollën ku kishte studiuar e mitura, në zonën e Bregut të Lumit.
Ngacmimet dhe përndjekjet ndaj vajzës kishin nisur një vit më parë, kur ajo ishte në klasë të 8-të.
Ai e shantazhonte duke i thënë se ia dinte historitë intime që ajo kishte pasur në shkollë.
Prej këtij shantazhimi vajza ka pranuar dhe ka kryer marrëdhënie seksuale me 65-vjeçarin në një banesë që ai kishte nën kujdes, në pronësi të vëllait të tij.
Akti është filmuar në celularin e tij dhe më vonë ia ka çuar nëpërmjet një rrjeti social këtë video fqinjit, 20 vjeç.
65-vjeçari i arrestuar në akuzën e “dhunës seksuale me të mitur”, ka mohuar të ketë abuzuar me vajzën e mitur dhe ka deklaruar se e ka prekur atë vetëm në pjesët intime, me dëshirën e saj. Ai dyshohet se ka pasur edhe raste të tjera abuzimi me të mitura, raste për të cilat tashmë kanë nisur hetimet.
