Drejtuesit e Paris saint Germani nuk janë aspak të kënaqur me ecurinë që ka pasur ekipi i tyre këtë sezon pavarësisht investimeve të mëdha që janë bërë. Dështimi në Champions League ka detyruar ata që të bëjnë edhe njëherë një sforco të madhe ekonomike, tashmë për të siguruar shërbimet e një mesfushori defensiv.
Mendohet se PSG aty çaloi këtë sezon pasi sulm i ishte i kompletuar dhe arriti të shënojë shumë gola, me Verratin dhe Rabiot që kanë treguar aftësi të mëdha ndërtuese por jo mbrojtëse. Me një Thiago Motta në largim, blerja e madhe që pritet të bëjë Parisi është mesfushori i Chelsea, francezi Ngolo Kante.
“RMC Sport” ka bërë me dije se drejtuesit e PSG kanë folur me ish-futbollistin e Leicester, i cili në sezonin e kaluar u zgjodh futbollisti më i mirë i sezonit. Gjithsesi, Chelsea kërkon 100 milionë euro për 27-vjeçarin që nga ana e tij do të qëndronte me kënaqësi në Londër.
Marrëveshja do të arrihej vetëm nëse PSG do të paguajë shifrën e lartpërmendur, që do t’i bënte punë klubit të Chelsea duke parë se arritja në Champions League është thuajse e pamundur. PSG, pasi shpenzoi 400 milionë euro për të marrë Neymar dhe Mbappe në sezonin e ardhshëm, 100 milionë euro është sakrifica e radhës që përgatitet të bëj për Kante…
