Sherri banal i një ditë më parë ku një person në gjendje të dehur është konfliktuar dhe në debat e sipër ka goditur me thikë, katër persona.
Sipas uniformave blu ngjarja e rëndë ka ndodhur në Lagjen “Syrja Dylgjeri” në Elbasan shumë pranë postës së këtij qyteti.
Sipas dëshmitarëve, autori në gjendje të dehur ka sharë njërin nga personat me fjalë fyese dhe është ndeshur me reagimin e tyre. Shkak i konfliktit të nisur ka qenë pretendimi i personit të dehur “pse më sheh”.
Pas kësaj, ai ka nxjerrë nga xhepi një thikë dhe ka nisur të godasë njërin prej tyre dhe më pas edhe tre të tjerët. Më konkretisht, janë plagosur në pjesë të ndryshme të trupit shtetasit: E.Ç., 44 vjeç, Z.Ç., 19 vjeç, A.S., 42 vjeç dhe U.S., 18 vjeç, banues në Elbasan.
Ndërhyrja e policisë ka qene e menjëhershme, duke vënë në pranaga 39-vjeçarin Gëzim Shabanin
NJOFTIMI I POLICISE
Më datë 06.04.2018 në Lagjen “Syrja Dylgjeri” shtetasi G.Sh në gjendje të dehur në rrugë është konfliktuar dhe dyshohet të ketë goditur me mjet të mprehtë shtetasit:
E.Ç., 44 vjeç, Z.Ç., 19 vjeç, A.S., 42 vjeç dhe U.S., 18 vjeç banues në Elbasan
Të katërt shtetasit ndodhen në spitalin Kirurgjik Elbasan jashtë rrezikut për jetën. Grupi hetimor po punon për kapjen e autorit
Njoftim për arrestimin
Policia arreston në kohë reale autorin që dyshohet se goditi me mjet të mprehtë katër shtetasit
Specialistët e Seksionit për Hetimin e Krimit, në Komisariatin e Policisë Elbasan, pas një pune të mirëorganizuar bënë kapjen dhe arrestimin në flagrancë të shtetasit:
Gëzim Shabani, 39 vjeç banues në Elbasan.
Shtetasi i lartpërmendur, më datë 06.04.2018 në Lagjen “Sul Paprri” pasi ka dalë nga një local, në rrugë është konfliktuar dhe dyshohet të ketë goditur me mjet të mprehtë shtetasit : E.Ç., 44 vjeç, Z.Ç., 19 vjeç, A.S., 42 vjeç dhe U.S., 18 vjeç banues në Elbasan.
Të katërt shtetasit ndodhen në spitalin Kirurgjik Elbasan jashtë rrezikut për jetën.
Shkak i konfliktit dyshohet të ketë qenë një konfikt i mëparshëm që shtetasi i lartpërmendur dyshohet të ketë patur me vëllain e shtetasit U.S.
Materialet do t’i kalojnë Prokurorisë së Rrethit Gjyqësor Elbasan për veprime të mëtejshme.
