Kreu i Ballit Kombëtar, Adriatik Alimadhi i është kthyer keq Pandeli Majkos, gjatë fjalës së tij në foltoren e Kuvendit.
Alimadhi iu drejtua deputetëve socialistë se mes tyre ka edhe kriminelë, ndërsa më tej tha se e ka për nder që është ballist.
Gjatë kësaj deklarate, Majko ka qeshur, ndërsa Alimadhi i është kthyer personalisht.
“T’ju vijë turp, keni kriminelë këtu. Ballist jam, e kam për nder të jem ballist. Shiko si qesh Majko, e ka për nder Majko që ka qenë i biri i një komunisti. Kur bëra pyetje, kisha parasysh a ka Instituti i Tufës, ide e mendime për ta vazhduar studimin në lidhje me luftën vëlla vrasëse që ka ndodhur mes shqiptarëve.
Pse e përmendni Ballin, pse i përmendni zogistë, nga ‘44 e në vazhdim e thotë ligji, me këtë ligj ka rënë dakord PD dhe PS të trajtohen bijtë e komunistëve.
Mos e përmendni Ballin Kombëtar. Askush nga ju nuk e njeh Ballin, kam 20 vjet në politikë, kam duruar shumë, kam folur shumë, kam një arkiv që e ka ruajtur ish- PP, ka 1341 fletë, asnjë krim nuk ka nga Balli ndaj komunistëve, 6 mijë shqiptarë nacionalistë, që u janë trazuar zorrët nëpër bark, t’ju vijë turp, kur shkelet të drejtat e ballistëve nuk ka kuptim.”
