Rasti i Elir Rekës bëri bujë në rrjet, teksa u zbulua se i riu mashtroi publikisht opinionin publik, duke pretenduar se kishte fituar çmimin e parë në Rusi me një nga pikturat e tij. E në fakt, kjo pikturë rezultonte as të mos ishte e tij.
Gazetarja Irena Shabani ka shkruar një koment të shkurtër në lidhje me rastin në fjalë. Në një reagim në Facebook, Shabani shkruan se ky rast i kujtoi përrallën e Andersen “Rrobat e reja të mbretit”.
Më tej, ajo është fokusuar te fenomeni Instagram të cilin e përshkruan se një bizhuteri kallpe që të gjithë e shesin për flori.
“Interneti u dha zë gjithë budallenjve”, përfundon gazetarja.
Postimi i plotë:
Ky djali qe krenohej me pikturat e te tjereve dhe i shiste ne publik per te vetat qe mashtroi dhe mori ne qafe televizione te rendesishme dhe media te tjera te shkruara, me pelqeu shume! Edlir Reka, i cili me deliresine nuk takohej asgjekundi, me kujtoi perrallen e famshme te danezit Andersen, “Rrobat e reja te mbretit”. Ai i shiti publikut asgjene e tij si shumeçka. (Fotomonazhet me pikturat e artisteve nderkombetar i kishte shume te arrira). Nje duartrokitje per pafytyresine e tij. Nje duartrokitje te munguar edhe per gjithe ata artiste te talentuar dhe modest, artin e te cileve nuk e njohim. Instagrami me kohe eshte kthyer ne nje bizhuteri kallpe qe te gjithe e shesin per flori. Te jetosh ne menyre te rreme demton rende shendetin mendor. Reklamimet e rrobave, ushqimeve dhe librave ne pergjithesi tregojne varferine, urine dhe paditurine. I falem Umberto Ekos qe shkroi dikur: “Interneti na jep gjithçka dhe na detyron të filtrojmë atë jo nga veprimet e kulturës, por me trurin tonë. Kjo rrezikon krijimin e gjashtë miliardë enciklopedive të veçanta, të cilat do të parandalonin çdo kuptim të përbashkët.” Shkurt do ta thoshim: Interneti u dha ze gjithe budallenjve!
