Sot në të gjithë vendin në shenjë proteste, biznesi i vogël uli qepenat në lidhje me taksën e parashikuar nga qeveria për një orë. Disa eksponentë të opozitës përfshirë edhe deputetët e LSI-së u bën pjesë e kësaj revolte qytetare.
Ajo që ra në sy ishte mungesa e kryetarit të Partisë Demokratike, Lulzim Basha i cili nuk preferoi të ishte pranë tyre. E megjithatë në disa momente të kësaj proteste u pa një indiferentizëm i qytetarëve për t’u distancuar nga politika.
Kryedemokrati u mjaftua vetëm me disa video dhe foto në rrjetin e tij social Facebook, ndërsa u la terren veprimi deputetëve demokratë, të shpërndarë në tregjet e kryeqytetit.
Një situatë që ndoshta kreu i opozitës e ka nuhatur dhe ndërmori vendimin për të mos qenë pranë protestuesve. Një lëvizje që duket në kundërshtim me atë të pak ditëve më parë në lidhje me bllokimin e rrugëve, ku Basha ishte vetë prezent duke mbajtur edhe qëndrimet politike të partisë që përfaqëson.
Gjithashtu vlen fakti se kur Basha ishte në pushtet dhe pjesë e qeverisë Berisha, kjo e fundit kishte tjetër qëndrim në lidhje me heqjen e taksës për biznesin e vogël dhe sot është i detyruar të ketë mendim tjetër, ku ish-kryeministri Berisha në 2013-tën nuk e hoqi taksën për këtë kategori biznesi dhe sot është palë me ta po për të njëjtën çështje.
https://tiranatoday.com/berisha-me-dy-fytyra-per-taksen-per-biznesin-e-vogel-video/
Ndërkohë, ka pasur edhe nga qytetarë të cilët kanë reaguar ndaj tij me disa nënshkrime në lidhje me protestën duke paralajmëruar se nuk bëhet mosbindja civile me këto rrugë që ka menduar z.Basha.
