Nuk kanë qenë të paktat rastet kur Arian Çani ka vënë në siklet të ftuarit e tij, siç ka ndodhur edhe së fundmi me gazetarin dhe analistin Mustafa Nano.
Analisti ishte veshur sportiv, me bluzë të thjeshtë dhe xhinse të grisura, dhe kjo ka qenë arsyeja pse moderatori e vuri në siklet.
“Para se të fillojmë… Përse ke ardhur me xhinse të grisura sot te emisioni im? Me këto xhinse ti, nuk shkon asnjëherë tek emisioni jot”, e pyeti Çani.
Por nuk kishte si të ndodhte ndryshe, ku Mustafa Nano e kaloi me mjaft sportivitet. Ai iu përgjigj duke thënë se emisioni “Zonë e Lirë”, të jep mundësinë të shkosh edhe me të brendshme.
“Emisioni jot të jep shansin të jesh vetvetja, sepse është emision sportiv, një nga arsyet se përse vij këtu kjo është. Këtu mund të vish edhe me brekë dhe kanatjere”, tha analisti.
