U bë shumë zhurmë pak ditë më parë, pasi Sabri Fejzullahu në një intervistë për emisionin ‘Gjesi në T7’, foli për blerjen e klikimeve. Si rrallë ndonjëherë, Sabriu foli me emra konkretë. Ai shigjetoi Flori Mumajesin, si një ndër artistët që blen mësë shumti klikime për këngët e tij. Nuk kishte si të ndodhte ndryshe, ku të vinte edhe një ‘shuplakë’ e fortë nga ana e Florit.
Kantautori tha se askujt nuk i është futur në xhep apo në jetën e tyre, dhe nuk është marrë me llafe. Pas kësaj deklarate, këngëtari Sabri Fejzullahu ka bërë një reagim që i drejtohet Florit dhe postimit të tij. Ai ka publikuar deklaratën e kantautorit në Instastory, ndërsa e shoqëron me disa emoji zemrash.
