Ish-ministri i Jashtëm, Besnik Mustafaj është zgjedhur si anëtar i këshillit drejtues të Radio Televizionit Shqiptar.
Mustafaj është zgjedhur me një mandat 5-vjeçar në këtë post. Ky vendim është zbuluar nga ana e Kuvendit.
“Besnik Mustafaj zgjidhet anëtar i Këshillit Drejtues të Radio Televizionit Shqiptar me mandat 5-vjeçar. Ky vendim hyn në fuqi menjëherë”, thuhet në vendim.
Mustafaj ishte pjesë e grupit të punës së Partisë Demokratike që do të përzgjidhte kandidatët për deputetë të selisë blu.
Më herët, politikani ka qenë ambasador i Shqipërisë në Francë, dhe disa herë pjesë e Kuvendit si deputet, ndërsa ka refuzuar dhe postin e Minsitrit të Kulturës, gjatë qeverisjes së socialistëve.
