E premte, 26 Shkurt, 2021
10 C
Tirana

Ekspertët: SHBA, 500 mijë nga Covid-19 deri në 20 shkurt

Drejtoresha e re e Qendrave Amerikane për Kontrollin dhe Parandalimin e Sëmundjeve parashikoi të mërkurën se numri i të vdekurve nga COVID-19 në Shtetet e Bashkuara do ta kalojë shifrën 500,000 deri më 20 Shkurt.

Rochelle Walensky tha gjatë konferencës së parë zyrtare për shtyp se brenda tre javëve të ardhshme, numri i të vdekurve në SHBA mund të arrijë diku midis 479,000 dhe 514,000.

Presidenti Joe Biden ka premtuar të njoftojë rregullisht fakte të bazuara tek shkenca për një publik gjithnjë e më të irrituar nga ritmi i ngadaltë i shpërndarjes së vaksinave.

Parashikimi i zonjës Walensky për vdekjet nga koronavirusi vjen ndërsa drejtori i Shtëpisë së Bardhë për COVID-19 Jeff Zients tha se Departamenti i Shëndetësisë po punon për të vënë në dispozicion më shumë profesionistë të shëndetit për të administruar vaksinimet.

Zoti Zients tha se qeveria do të autorizojë mjekë dhe infermierë në pension për të administruar vaksinat dhe se profesionistët e liçencuar në një shtet do të lejohen të administrojnë vaksina në shtetet e tjera.

Fatura e ndihmës për koronavirusin

Zoti Zients tha gjithashtu se Kongresi duhet të miratojë ndihmën financiare për CODID-19 të propozuar nga Presidenti Biden për të ruajtur ritmin e vaksinimeve dhe shtuar aftësitë testuese. Ai tha se administrata po punon për të përmbushur objektivin e zotit Biden për të shpërndarë të paktën 100 milionë doza vaksinash brenda 100 ditëve.

Pjesa kryesore e Planit të Shpëtimit prej 1.9 trilionë dollarësh të zotit Biden, për të cilin disa ligjvënës republikanë ankohen se është shumë i kushtueshëm, synon të ndihmojë në ringjalljen e ekonomisë, e cila është dobësuar rëndë nga pasojat e pandemisë.

Rreth 400 miliardë dollarë janë për masat për frenimin e virusit, duke përfshirë rritjen dramatike të ritmit të vaksinimeve dhe ndërtimin e një infrastrukture për testime intensive.

Lexo edhe :   Nëntë fakte që duhet të dinë politikanët shqiptarë për SHBA

Në konferencën e së mërkurës morën pjesë zëvendësi i zotit Zients, Andy Slavitt, eksperti i sëmundjes infektive, Dr. Anthony Fauci dhe kryetarja e grupit të posaçëm për COVID-19, Dr. Marcella Nunez-Smith.

Lexo edhe :   UEFA anulon kompeticionin e madh europian për shkak të koronavirusit

“Shtëpia e Bardhë respekton dhe do të ndjekë shkencën, dhe shkencëtarët do të flasin në mënyrë të pavarur,” tha zoti Slavitt.

Sipas Universitetit Johns Hopkins, SHBA kanë shifrat më të larta në botë për infektimet dhe vdekjet nga COVID-19: rreth 25.5 milionë raste të konfirmuara dhe më shumë se 426,000 vdekje.

- Reklama -

Më shumë nga kategoria




Të fundit

Bardhi kallëzon Ballën në SPAK: Vartësit e tij kërcënojnë qytetarët për votën

Drejtuesi politik i PD në Elbasan, Gazment Bardhi, ka kallëzuar penalisht në SPAK rivalin e tij në këtë qark, Taulant Ballën. Gjatë intervistës në emisionin...

UNICEF sjell në Kosovë shiringa për vaksinën kundër Covid-19

Shefi i zyrës së UNICEF-it (Fondi i Kombeve të Bashkuara për Fëmijë) në Kosovë, Murat Sahin përmes një postimi në llogarinë e tij në...

Kush do i fitojë zgjedhjet e 25 prillit? Del sondazhi i IPSOS

Top Channel në bashkëpunim me gjigantin botëror të sondazheve, kompaninë IPSOS, publikon të dhënat e sondazhit për zgjedhjet e 25 Prillit në emisionin “Open”...

Studimi i ri: Ja çfarë ndikimi ka mbajtja e maskës në rrahjet e zemrës

Studiuesit në Spitalet Universitare Rainboë Babies & Children (UH Rainbow), botuan të mërkurën të dhënat e një studimit të ri, që tregon se mbajtja...

Çfarë fshihet pas dorëheqjes së Bamir Topit nga FRD? Bardhi zbardh detaje

Sekretari i Përgjithshëm i Partisë Demokratike, njëherazi drejtues politik në Qarkun e Elbasanit, Gazment Bardhi, komentoi mbrëmjen e sotme largimin e Bamir Topit nga...