Partia Socialiste ka denoncuar sot një skemë që pretendohet të jetë duke u përdorur nga LSI për blerjen e votave në lagjen Papuci, Delvinë.
Në denoncim përshkruhet gjithashtu edhe skema se si funksionon blerja e votave për 50 euro.
“Në hyrje të lokalit votuesit priten nga persona që i ftojnë brenda për të pirë një kafe. Më pas ata ulen në një tavolinë brenda lokalit, në katin e parë dhe aty i bëhet pagesa nga shtetasi i dyshuar si Bako Balili. Pas kësaj votuesit dalin nga dera tjetër e lokalit dhe shkojnë për të votuar. Në kthim votuesit kthehen përsëri në lokalin ku kanë marrë pagesën për të treguar se ata kanë votuar”, raporton denoncimi i PS-së.
Bako Balili është vëllai i Klement Balilit, një prej individëve më të përfolur për lidhjet me krimin e organizuar, i cili është shpallur në kërkim për trafik ndërkombëtar droge.
