Një nga protestuesit e Unazës së Re, pas vendimit të Gjykatës së Tiranës për mbajtjen në burg të shokut të tyre Dorjan Protoduari, i ka dërguar një mesazh kryeministrit Rama. Ky mesazh vjen në emër të të gjithë banorëve të Unazës. Ai ka thënë se djemtë dhe vajzat, nuk do të rrinë në heshtje, por do të reagojnë në ditët në vijim, për mbrojtjen e pronës së tyre.
“Të gjitha ata djem që janë dënuar sot, janë dënuar politikisht, me urdhër të Edi Ramës.
Mesazhi im është për Edi Ramën: Djemtë dhe vajzat e Shqipërisë nuk kanë vdekur!
Mos e fut Policinë e Shtetit në vëllavrasje me shqiptarët!
Unaza e Re është rruga e funeralit tënd politik! Mos e harro!
Shikoje opinionin si po reagon!
Të gjithë ne banorët e Unazës së Re, dhe të gjithë Shqipërisë, jemi për projekt zhvillimi! Urdhëro, na kompenso dhe le të bëhet projekti! Po ç’është ky represion mbi ne?! Harroje Edi Rama!”.
