Banorët e Kukësit janë mbledhur ditën e sotme siç ishte paralajmëruar dhe parë, për të protestuar për taksën e “Rrugës së Kombit”.
Ata janë drejtuar drejt tunelit të Kalimashit ku do të mbahet dhe protesta e ditës së sotme.
Por me sa duket kjo protestë ka sjelle incidente dhe dhunë, pasi ka patur një përplasje midis policisë dhe banorëve, dhe këta të fundit kanë qëlluar me gurë kundër efektivëve.
Protestuesit gjithashtu kanë marrë dhe mbështetje nga këshilli Bashkiak, shoqëria civile dhe të gjitha bizneset, të cilat kanë mbyllur qepenat e tyre, kësaj proteste i janë bashkuar dhe qindra shtetas kosovarë, të cilët janë nisur nga Kosova.
Organizatorët kanë njoftuar Policinë e Shetit e cila ka marrë masa shtesë dhe në këto masa do të jenë edhe policitë e rajoneve Shkodër e Lezhë dhe të ardhur nga Tirana.
Pagesa për rrugën e Kombit nisi të aplikohet të mërkurën, ndërsa tarifat variojnë nga 2.5 euro për motorë, në 5 euro për makinat e vogla e deri në 22.5 euro për kamionët e mëdhenj.
