Qytetarët e Divjakës kanë dalë në ditën e pestë të protestës, kundër vendosjes së traut në hyrje të parkut kombëtar. Në këtë protestë kanë qenë të pranishëm deputetët demokratë Ilda Dhori dhe Saimir Korreshi. Për herë të dytë në Parkun e Divjakës është tentuar të vendoset trau për vjeljen e taksës, për ata që duan të hyjnë.
Punonjës të kompanisë që ka të drejtën e vendosjes së traut, nisën punimet pasditen e së hënës. Por ashtu si dhe herën e parë këto punime u ndaluan nga Bashkia Divjakë, për mungesë dokumentacioni.
Trau do të vendoset pas një vendimi të marrë nga Ministria e Turizmit dhe Mjedisit, për vjeljen e të ardhurave nga zonat turistike.
