Një ditë pas protestës së opozitës para selisë së Parlamentit, e cila përfundoi me jo pak incidente, lëvizja e radhës vjen nga Zv/ambasadorja e SHBA.
Pak çaste më parë mësohet se ka mbërritur në selinë blu, zv. ambasadorja e SHBA në Tiranë, për tu takuar me kreun demokrat, Lulzim Basha. Ende nuk ka një informacion se cila është arsyeja e këtij takimi.
Opozita protestën e ardhshme e ka paralajmëruar të mbahet më 16 mars, e cila do të jetë edhe më e madhe. Ndërkaq, lëvizjet e opozitës nuk janë mirëpritur nga ndërkombëtarët, të cilët kanë kundërshtuar vendimin për djegien e mandateve.
Nga ana tjetër, presidenti Ilir Meta iu ka bërë thirrje palëve për dialog, por ende nuk është bërë asnjë hap.
