Sikundër studentët, edhe gjimnazistët nuk e kanë patur të lehtë përballjen me mësuesit, pasi këta të fundit nuk kanë qenë tolerant ndaj tyre. Protesta e ditës së sotme pritet të jetë madhështore, pasi sot skadon dhe afati i vendosur nga studentët për qeverinë, sa i përket plotësimit të 8 kërkesave të tyre.
Sikundër ishte njoftuar edhe më herët, protestës së studentëve në Elbasan të cilat kanë marshuar drejt universitetit, u janë bashkuar edhe gjimnazistët. Kjo gjë nuk u ka pëlqyer mësuesve, të cilët nuk janë pajtuar me vendimin për të lënë mësimin.
Ata kanë telefonuar prindërit e tyre, duke paralajmëruar se nxënësit do ndëshkoheshin me mungesa, dhe kjo do ndikonte negativisht për ta. Gjimnazistët u janë bashkuar studentëve edhe në Korçë, ku një pjesë e protestuesve janë nisur drejt Tiranës.
