Kryeministri Edi Rama tha sot se janë të përjashtruar nga Partia Socialiste të gjithë ata këshilltarë socialistë që ka ngritur dorë qorrazi apo në vetëdije në Këshillin Bashkiak të Kukësit për protestën e sotme. Në konferencë e mbajtur për shtypin Rama reagoi ashpër për protestën e dhunshme në Kalimash, ku pikat e kalimit të Rrugës së Kombit u dogjën.
Kryetari i PS-së tha se të gjithë ata këshilltar që votuan pro e kanë humbur të drejtën për të qenë pjese familjes së PS-së.
Kryeministri e pranoi se nuk është i pagabueshëm, por përpiqet që të bëj gjithçka për të mirën e vendit.
“Ndërkohë që kryebashkiaku i Kukësit më ka kërkuar me shkrim një takim, unë do të ulem me të që të hënën për të biseduar, sigurisht që deri të hënën ai do të jetë distancuar nga dhuna kriminale e ditës së sotme. Po ashtu çdo këshilltar socialist që ka ngritur dorë qorrazi apo në vetëdije, të ngjizur me urdhër nga Tirana, e ka humbur të drejtën për të qenë pjese familjes së PS. Rruga e Kombit u ka kushtuar shumë shtrenjtë shqiptarë dhe nuk mund të pranojnë që të kushtojë më shtrenjtë, nëse nuk garantojmë të ardhmen. Unë nuk jam i pagabueshëm dhe përpiqem që të bëj gjithçka për të mirën e vendit,” deklaroi Rama.
