Në Kryesinë e Kuvendit ka nisur mbledhja e Byrosë, ku do të vendoset fati i 10 deputetëve të opozitës, pas kërkesës së PS-së për përjashtimin e tyre për 10 ditë.
Por, teksa brenda Kuvendit mbahet mbledhja e Byrosë, jashtë janë mbledhur të rinj dhe aktivistë të LSI-së në pritje të vendimit për përjashtimin e deputetëve të opozitës.
Partia Socialiste depozitoi një ditë më parë kërkesën për përjashtimin e deputetëve:
Ervin Salianji,
Endri Hasa,
Flamur Noka,
Bardh Spahia,
Monika Kryemadhi,
Kejdi Mehmetaj,
Endrit Brahimllari.
Mësohet se përjashtimi do të jetë i vlefshëm për janarin, pra me nisjen e sesionit të ri parlamentar dhe nuk bëhet fjalë për ditë kalendarike.
Po ashtu, mësohet se PS do të kërkojë edhe dënimin e deputetit të saj, Bujar Çela, i cili goditi deputeten e LSI Kejdi Mehmetaj. Por, për Çelën mund të ketë një dënim më të lehtë, ndoshta një përjashtim për 5 ditë.
Dje deputeti Çela i dërgoi në letër byrosë, me anë të së cilës doli vullnetar dhe kërkoi që edhe ndaj tij të merrej një masë.
