Kreu i Partisë Republikane, Fatmir Mediu ka zbuluar detaje të reja në lidhje me aksioni opozitar, i cili do të fillojë në 27 janar, kundër qeverisë së Edi Ramës.Teksa ka folur në studion e Report Tv, ai theksoi se nuk përjashton mundësinë e një proteste të dhunshme, duke e krahasuar atë me protestën e zgjedhjes së kryeprokurores Arta Marku.
Ndërsa Mediu solli në vëmendje edhe njëherë faktin se të protestosh me çizme nuk përbën asnjë shkelje të rregullores, ndërsa e përjashtoi mundësinë për ta quajtur të dhunshëm veprimin e Monika Kryemadhit teksa hodhi çizme në drejtim të Kryeministrit Rama. Mediu renditi disa arsye se çfarë i shtynë shqiptarët të dalin në protestë, duke renditur si më kryesoren varfërinë e shqiptarëve, ndërsa nuk la pa përmendur edhe kriminalizimin e shtetit nga ana e Ramës.
“Duam të tregojmë që qytetarët shqiptarë janë ata që nuk pranojnë që qeveria të mbivendoset mbi ta. Qytetarët duhet ta krijojnë qeverinë dhe ta kontrollojnë atë dhe jo e kundërta. Janë arsye më shumë se të mjaftueshme. Protesta do sjellë ndërgjegjësim të popullsisë, se nuk mund të vazhdojmë nëpërkëmbja. Duhet një presion maksimal që Shqipëria të vijë në binarët kushtetuese”-u shpreh Mediu.
Kreu i PR-së, foli dhe për aksionin opozitar PD-LSI, duke sqaruar se ky është një fron opozitar, i bashkuar kundër qeverisë, dhe jo koalicion elektoral siç është PD me partitë aleate.
“LSI është parti opozitare dhe qenien opozitare nuk e përcakton PD dhe as koalicioni ynë me PD. Ne nuk injorojmë asnjë qytetar, qoftë dhe socialist, jo më të injorojmë një parti politike. Pra nuk flasim për koalicion elektoral me LSI, por për front opozitar”-theksoi kreu i Partisë Republikane.
Mediu ka folur me rezerva sa i përket “flirtit” mes PD-LSI-së duke thënë se e djathta duhet të bazohet mbi principet ne së djathtës. Ai tha se nuk po flasim për një koalicion elektoral me LSI, por për front opozitar.
“LSI është parti opozitare dhe qenien opozitare nuk e përcakton PD dhe as koalicioni ynë me PD. Ne nuk injorojmë asnjë qytetar, qoftë dhe socialist, jo më të injorojmë një parti politike. Ka një front opozitar dhe një bashkëpunim në nivelet më të larta, jemi ulur së bashku. Ky front opozitar është e rëndësishme të zgjerohet dhe të ketë thelb. Koalicioni i së djathtës duhet të funksionojë mbi principet e së djathtës, që përfshin të përndjekurit, pronarët. Pra nuk flasim për koalicion elektoral me LSI, por për front opozitar”-përfundoi Mediu.
