Banorët e Astirit kanë vijuar sot në ditën e 16 të protestës së tyre, ku kërkojnë dëmshpërblim për prishjen e banesave që preken nga projekti për ndërtimin e Unazës së Madhe.
Sot ka nisur prerja e pemëve, por ata thonë se nuk do të lejojnë fadromat ti afrohen banesave të tyre. Po kështu ata janë pro projektit, por që të dëmshpërblehen me çmimin e tregut.
“Projekti le të bëhet, por ne të dëmshpërblehemi me çmimin e tregut 100%. Ne kërkojmë atë që na takon me ligj, me Kushtetutën e Shqipërisë. Unë banesën time do ta mbroj me armë. Nuk ka ngelur rrugë tjetër. Kjo ka shumë zgjidhje, por këta nuk pranojnë dialog”, tha një prej përfaqësuesve të banorëve.
