Protesta e dy ditëve më parë në Kuvend me miell, ujë dhe ekrane televizorësh nuk ka kaluar pa vëmendje të mediat të huaja dhe në rastin konkret atyre gjermane.
Një ndër mediat më të mëdha gjermane, BILD, e cilëson Edi Ramën një dështak dhe ‘njeriu vezë’.
Bild e përfshiu Ramën në rubrikën e saj të radhës, “Fitues dhe Humbës”, ku fituesi ishte një prodhues syzesh, ndërsa tek humbësit e javës ishte Edi Rama.
Këtë lajm të BILD, nuk ngurroi ta përdorë edhe ish-kryeministri Berisha përmes një postimi të tij në Facebook, ku e cilëson Ramën një dështak, ndërsa goditja me vezë dhe miell në drejtim të kreut të qeverisë përbën një lajm botëror.
BILD shkruan: Deputetët shqiptarë i kanë gjuajtur me vezë dhe me miell kryeministrit Rama. Shkak ka qenë një diskutim i nxehtë për arrestimin e 12 shtetasve. Këta shtetas protestuan në veri të vendit për tarifën rrugore dhe dogjën stacionin e pagesave.
Bild thotë: Ja ku erdhi edhe njeriu vezë.
Kjo është një fitore ndërkombëtare e revoltës popullore për përmbysjen e narkoshtetit dhe klikës se tij me Edi Ramën ne krye.
