Pas protestës së zhvilluar ditën e djeshme për shembjen e Teatrit Kombëtar, Policia njofton se ka proceduar penalisht disa artistë.
Raportohet se autoritetet kanë nisur procedimin për artistët: Robert Budina, Neritan Liçaj, Adriana Kalaja, Artan Manushaqa, Arkimed Lushaj (Stresi).
Policia shprehet se këta artistë kanë marrë pjesë në protestën e paligjshme, duke kundërshtuar punonjësit e rendit publik, prishur qetësinë publike dhe penguar qarkullimin e mjeteve në rrugë.
Gjithashtu bëhet me dije se është arrestuar Arben Qyrani, pasi ka hedhur sende e lëndë piroteknike në drejtim të turmës.
