Një situatë e tensionuar u krijua dje me banorët e Astirit, të cilët u shprehën të vendosur se nuk do të largoheshin nga banesat e tyre.
Ata madje kërcënonin edhe me vdekje, pasi kishin pikasur se pemët anës rrugës kishin filluar të hiqeshin.
Por sot, punonjësit e Bashkisë kanë nisur nga puna, duke hequr me radhë të gjitha pemët, për të proceduar më pas me planin.
Dje në ditën e 15 të protestës, me dhjetëra banorë të zonës së Astirit protestuan kundër vendimit të Bashkisë së Tiranës, për shkatërrimin e shtëpive të tyre, pa kompensim.
Një reagim u përcoll nga kryeministri Rama, i cili tha se banorëve do u paguhen 3 vite qira, dhe se shumica e atyre që protestojnë nuk kanë banesa, por biznese të paligjshme.
