Mbi 1000 protestues anti-qeveritarë u arrestuan të dielën në Bjellorusi, gjatë fundjavës së 13-të të protestave që bëjnë thirrje për dorëheqjen e presidentit Aleskandër Lukashenko.
Grupi i të drejtave të njeriut Vyasna tha se gjithsej 1,024 persona u arrestuan nga forcat e sigurisë, ndërsa të tjerë u rrahën brutalisht.
Shumica e arrestimeve u bënë në kryeqytetin Minsk, ku policia bllokoi valët telefonike dhe mbylli metronë.
Grupi Vyasna tha se disa nga të arrestuarit u liruan më vonë.
Presidenti Lukashenko, e mban pushtetin në Bjellorusi që prej vitit 1994.
Ai u rizgjodh president në muajin gusht, por sipas opozitës dhe protestuesve, zgjedhjet u manipuluan.
