Aktorë, këngëtarë, artistë të ndryshëm dhe përfaqësues të shoqërisë civile kanë protestuar mes tymueseve që kanë lëshuar kundër shembjes së Teatrit.
Duke folur para Kuvendit dhe protestuesve, aktori Bujar Asqeriu kërkoi që deputetët të mos votojnë ligjin që parashikon shembjen e Teatrit pasi ndryshe do ta mbajnë mend gjatë.
Bujar Asqeriu: Parlamenti të mendohet mirë para së të miratojë ligjin për teatrin, që këkron të kafshojë historinë tonë. Mos luani me artitstët, ata kanë bërë historinë e kombit shqiptar, kujdes me artistët. Deputetë, një për një po u them kalojini në mendje në zemër dhe në shpirtin tuaj këtë ligj dhe do të kuptoni thellë në ndërgjegjen tuaj se kjo nismë për të miratuar këtë ligj është e gabuar. Nëse dhëmbët tuaja i ngulen atij teatri, ato do të mbahen mend gjatë dhe nuk do të harrohen kurrë.
Ashtu siç ishte parashikuar ka nisur pak më parë protesta e organizuar nga artistët dhe qytetarët, që janë kundër shembjes së Teatrit Kombëtar.
Artistët në këtë protestë janë mbështetur nga aktivistë të shumtë dhe janë grumbulluar para Kuvendit, për të kundërshtuar projekt-ligjin që do të votohet sot.
Siç shihet dhe nga video, në rrugën para Kuvendit ka një masë të madhe njerëzish që mbajnë në duan pankarta me mbishkrimin: “mbroteatrin”.
