Gjykata e Apelit Tiranë ka caktuar masën “arrest me burg” për ish-kreun e Policisë Bashkiake, Florenc Hoxha dhe 4 qytetarë, të cilët u arrestuan pas protestës së 16 Shkurtit.
Të arrestuarit e tjerë, veç Florenc Hoxhës janë Ilir Hamedani, Ferit Dankshi, Saimir Rexhepi dhe Agim Peposhi.
Këta të fundit kërkuan zëvendësimin e masës së sigurisë, por Gjykata e Apelit ka vendosur t’i lërë në burg.
Florenc Hoxha u shoqërua në polici mbrëmjen e 16 shkurtit, pasi policia ka ushtruar kontroll në banesën e tij.
