Kryeministri e ka quajtur të turpshme publikimin e videos së përplasjes së bandave në Elbasan me Policinë.
Megjithatë, ai tha se po të kishte prokurori, videoja nuk do të kishte qarkulluar në media.
Kreu i qeverisë tha se do propozojë që të vendoset një çmim për këdo që jep informacione mbi të kërkuarit në territorin e Shqipërisë.
“Nuk kishte gjë më turp se videoja që doli në Elbasan, ku u përplasën me Policinë e Shtetit dhe që u pa nga çdokush. Por, nëse këtu do kishte Prokurori, nuk do kishte ardhur dita që të ishte parë ajo video.
Do i propozoj qeverisë të vendosë çmim për kokën e çdo të kërkuari në territorin e Shqipërisë. Kush e denoncon, do paguhet!”, tha Rama gjatë takimit në Ministrinë e Brendshme.
