Shqipëria

Pronësia e Kopshtit Botanik/ Studentë e pedagogë para Gjykatës, kundër vendimit të qeverisë


               Publikuar në : 12:16 - 09/10/19 Enno

Pas vendimit të Këshillit të Ministrave për kalimin e pronësisë së Kopshtit Botanik, në varësi të Fakultetit të Shkencave të Natyrës për Bashkinë e Tiranës, stafet pedagogjike dhe disa studentë të Univeristëtit të Tiranës kanë dalë në protestë.

VKM e 17 qershorit, rektorati e ankimoi në Gjykatën Administrative, ndërsa sot protestojnë jashtë godinës, për rikthimin e statusit.  Mirëpo, Gjykata e ka shtyrë vendimin.

Kujtojmë se Kopshti është në pronësi të Fakultetit të Shkencave të Natyrës, nga viti 1965 dhe përdoret si laborator natyror që i shërben ecurisë së punës së fakultetit dhe degës së biologjisë, si dhe shfrytëzohet nga studentët për mësimdhënie dhe punë shkencore. Po ashtu, pranë tij ka bimësi nga trevat shqiptare dhe në rrezik zhdukjeje.

Pedagogët janë shprehur kundër vendimit të qeverisë, pasi kopshti botanik duhet t’i mbetet universitetit, pasi bashkia nuk mund të menaxhojë një laborator kërkimi.

Kthehu
WhatsApp Denonco ne TT