Oficerë të Krimeve kanë shkuar në selinë e PD, ku kanë bërë të mundur administrimin e videos së transmetuar mbrëmë në programin “Opinion”, ku shfaqej Fredi Alizoti. Duke iu referuar Prokurorisë, Fred Alizoti luajti rolin e imituesit të zërit të Agron Xhafaj.
Ndërkohë mësohet se oficerët kanë shkuar edhe në ambientet e televizionit, ku u publikuan pamjet e deputetit të PD.
Në pamjet e transmetuara, Alizoti nuk ishte në dijeni se po regjistrohej. Ai thotë se është marrë në makinë nga Drejtori i Policisë së Shtetit, Ardi Veliu dhe është dërguar në Prokurorinë e Krimeve të Rënda. Kjo në mënyrë që të pranojë versionin, i cili i shkon për shtat mazhorancës.
“Je me ne, apo me ata”, i ka thënë fillimisht Veliu-Alizotit. Alizoti shprehet se e ka takuar edhe Balla me dy persona të tjerë. Ai tregon sesi po i bëhej presion që të pranonte se ishte ai që kishte folur si Agron Xhafaj në bisedën me “Babalen”.
