Prokuroria ka mbyllur hetimet për ish-deputetin e PS-së për qarkun e Lezhës, Arben Ndoka.
Prokuroria e Krimeve të Rënda ka vendosur të mbyllë hetimet për një nga grupet e dosjes 339, që ka lidhje me abuzimin e pronave në Tale, Shëngjin dhe Rana e Hedhun.
Pjesë e këtij grupi është dhe ish-deputeti i PS-së në Lezhë, Arben Ndoka, dhe disa prej familjarëve të tij, që kanë shërbyer si zyrtarë në Lezhë.
Ndoka dhe të pandehurit e tjerë u paraqitën në prokurori për t’iu komunikuar akuza. Veprat penale që akuzohen janë “Falsifikimi i dokumenteve”, “Falsifikimi i vulave, stampave ose i formularëve”, “Shpërdorimi i tokës”, në kuadër të një grupi kriminal.
