Prokuroria e Krimeve të Rënda kërkon nga gjykata sekuestron e pronave të Klement Balilit. Ish-kreu i transporteve në Sarandë akuzohet nga prokuroria greke dhe ajo shqiptare si trafikant droge. Prokuroria shqiptare i ka kërkuar sot gjykatës sekuestrimin e resortit turistik “Santa Quaranta” dhe disa prona të kësaj familje, por prokuroria akoma nuk ka konfirmuar për median kërkesën e saj.
Sipas “ReportTv” prokuroria i ka kërkuar gjykatës sekuestro preventive për mostjetërsimin e këtyre pronave të cilat janë; troje, dyqane, shtëpi private, disa apartamente në qytetin e Sarandës.
Klement Balili është person në kërkim për llogari të drejtësisë greke dhe asaj shqiptare dhe i dyshuar si personi që drejtonte një grup kriminal të trafikut të drogës në Ballkan drejt Evropës.
Vetë ai e mohoi këtë akuzë në të vetmen dalje publike pak ditë pas urdhër arrestit grek dhe nga ajo ditë është zhdukur duke ju fshehur policisë.
