Prokuroria e Tiranës ka apeluar vendimin e gjykatës për nxjerrjen nga qelia të Jehon Breçanit. 19-vjeçari është djali i ish-zv.drejtorit të Policisë së Shtetit, Erzen Breçani.
I riu, më datë 11 qershor aksidentoi dhe i preu këmbën me makinë Xhesina Gegës, në rrugën “Xhanfize Keko” në Tiranë.
Prokuroria ka kërkuar ndryshimin e masës së sigurisë për Breçanin, nga “arrest shtëpie” në “arrest me burg”.
Tashmë i mbetet Gjykatës së Apelit për të vendosur nëse Jehon Breçani do të rrijë në shtëpi apo do të kthehet në qeli. Në momentin e aksidentit ka pasur dhe kalimtarë të tjerë, por nga shpejtësia e madhe automjeti tip “Benz” kaloi në trotuar ku goditi 23-vjeçaren. Vajza i është nënshtruar një operacioni, teksa e ka humbur njërën këmbë.
