Prokuroria kërkon “arrest me burg” për Redjan Rrajën. Redjan Rraja, 34-vjeç, është nipi i deputetit të PS, Rrahman Rraja.
Ai është arrestuar teksa ishte duke u larguar në drejtim të Malit te Zi. Policia dhe Prokuroria kanë kërkuar arrestimin, për shkak se kanë zbuluar gjurmët e ADN-së së tij në makinën që u gjet e braktisur, dhe që dyshohet se mund të ketë lidhje me atentatin e Shkozetit.
“Provat e sekuestruara po i nënshtrohen një analize të hollësishme nga grupi hetimor, dhe një pjesë e tyre u dërguan në Laboratorin Shkencor për ekzaminim të mëtejshëm.
Nga tërësia e provave të sekuestruara, dhe bazuar në dyshimet e arsyeshme, u bë ekzekutimi i urdhër- ndalimit të lëshuar nga Prokurori i Krimeve të Rënda për shtetasin R. Rr, 34 vjeç, lindur e banues në fshatin Nikël, Fushë- Krujë. I dyshuar si një nga autorët e mundshëm të plagosjes me armë të prokurorit, dhe dy shtetasve të tjerë”, thuhet në njoftimin e policisë.
