Prokuroria e Elbasanit kërkon 22 vite burgim për Shkëlzen Hasanpapaj, i cili u shpall fajtor për atentatin ndaj Florenc Çapjas dhe Bledar Muçës.
Hasanpapaj u dënua me 10 vjet heqje lirie nga Gjykata e Elbasanit për “Mbajtje pa leje të armëve luftarake” dhe “Vrasje në rrethana cilësuese mbetur në tentativë”, por dy prokurorët e çështjes e kanë çuar ankimin e tyre në Gjykatën e Apelit Durrës.
Ngjarja e rëndë është shënuar në qershor të vitit 2016. Hasanpapaj u arrestua në Holandë nga ku edhe u ekstradua për në Shqipëri. Ai nuk e pranoi akuzën e prokurorisë së Elbasanit, por organi i akuzës pretendoi se është një analizë “ADN-je” që provon se në vendngjarje ka qenë Hasanpapaj.
