Korrupsioni mbetet një ndër problemet kryesore edhe në shtetin e Kosovë. Ministri i drejtësisë, Abelard Tahiri, ka kërkuar që brenda vitit 2018 të ketë rezultate konkrete në luftën kundër krimit, pasi rastet janë shumë të larta.
Kjo është një kërkesë për të gjithë prokurorët, pasi vendimi për dyfishimin e pagës duhet të japë rezultate konkrete.Dyfishimi i pagave, që nga ky janar i bënë prokurorët më të paguarit në rajon, edhe pritjet ndaj tyre janë më të mëdha, shkruan ministri Tahiri në Facebook.
“Sistemi prokurorial është pashmangshëm një ndër shtyllat themelore të sistemit të drejtësisë. Dyfishimi i pagave për prokurorët, që do të nis së zbatuari nga ky muaj, i bënë ata më të paguarit në rajon. Kjo do të thotë se edhe pritjet ndaj tyre janë më të mëdha. Andaj, në Konferencën Vjetore të Prokurorëve, si Ministër i Drejtësisë por edhe si qytetarë i këtij vendi, kërkova nga ata përgjegjësi maksimale që në fund të vitit 2018, të kemi rezultate konkrete në luftën kundër korrupsionit”-shkruan mes tjerash ministri.
Ndërkohë ministri ka deklaruar se do të punojë fort, që sistemi i drejtësisë të jetë i besueshëm për të gjithë qytetarët e Republikës së Kosovës.
“Sundimi i ligjit, në mënyrë të pa kompromis, është dhe do të mbetet prioritet i imi si ministër, sepse si shoqëri jemi përcaktuar vetëdijshëm që të besojmë në drejtësi dhe të besojmë në mekanizmat që drejtësisë i japin kuptim. Prandaj, përpjekjet tona janë duke nxitur një moment të ri për ta fuqizuar sektorin e Sundimit të Ligjit dhe për të ngritur Shtetin e së Drejtës aty ku duhet të jetë”-shkruan ajo.
