Zv/kryeministri i Kosovës, Besnik Tahiri, ka prezantuar ditën e sotme Projektligjin për Qeverinë.
Në këtë projektligj është parashikuar të ketë tre zëvendëskryeministra, 15 ministri, 2 ministri në diskrecion të mandatarit, rreth 40 zëvendësministra, si dhe rreth 250 këshilltarë politikë.
Sipas zv/kryeministrit, ky Projektligj do të sjellë një organizim dhe funksionim më të mirë të qeverisë.
“Projektligji parashikon 3 zëvendës kryeministra, 15 ministri, 2 ministri në diskrecion të mandatarit. Rreth 40 zëvendësministra, rreth 250 këshilltarë politikë dhe nën-punës të kabineteve. Nuk ka ministra pa portofol. Ndalohet krijimi i trupave shtesë me funksione paralale”, tha ai për mediat.
