Arrestimi i Marko Gjuriç nga Policia e Kosovës shkaktoi tensione mes të dyja vendeve, ndërkohë shtetet perëndimore kanë apeluar të ruhet qetësia.
Ndonëse autoritetet kosovare e kishin paralajmëruar Gjuriçin, ky i fundit shkeli mbi rregulloren e saj, duke u futur në territorin e Kosovës pa marrë leje paraprake.
Pas tensioneve, Policia e Kosovës e arrestoi Marko Gjuriçin, ndërsa ndaj tij rëndon akuza e kalimit të paligjshëm të kufirit. Në rrjetet sociale dhe në mediat rozë ditën e sotme ka qarkulluar lajmi rreth syve të një polici që po tërbonte vajzat në rrjet. Bëhej fjalë për një nga policët e Forcave Speciale të Policisë së Kosovës që arrestoi dje Gjuriçin në Mitrovicë.
Ndonëse arrestimi i Gjuriç alarmoi autoritet serbe, me presidentin Aleksandër Vuçiç që thirri në mbledhje Këshillin për Sigurinë Kombëtare, mendjet e femrave shqiptare mbetën tek polici seksi dhe me muskuj që kishte sy shumë të bukur.Duke u interesuar për këtë anëtare të Njësisë Speciale të Policisë së Kosovës, mediat kosovare shkruajnë se në fakt ky polic është një femër pjesëtare e kësaj njësie. Fjala është për Marigona Beadinin, e cila është pjesëtarja e vetme femër e Njësisë Speciale të Policisë së Kosovës – ROSU, gjithashtu edhe sportiste e dalluar.
Gazeta Lajm mëson ekskluzivisht se ajo është nga Tetova, respektivisht nga fshati Shipkovicë. Ajo ka qenë kampione e karatesë dhe e boksit dhe e ka përfaqësuar Kosovën në gara ndërkombëtare të boksit.
