Denzel Dumfries ka qenë çelësi i të dy fitoreve për Holandën deri më tani, por ka bërë një rrugë të gjatë nga fillimet e veta në nivel amator.
Ylli i padiskutueshëm i dy ndeshjeve të para të Holandës në Grupin C ishte Denzel Dumfries. Mbrojtësi energjik i djathtë ishte i përfshirë në çdo gol që ekipi i tij shënoi në ato ndeshje: shënoi në të dyja, ndërtoi dy golat e tjerë kundër Ukrainës dhe fitoi penalltinë e shkaktuar nga David Alaba të kthyer në gol nga Memphis Depay.
Ngritja e Dumfries në karrierë ka qenë gjithçka tjetër përveçse meteorike. Kur ishte 18 vjeç – në të njëjtën moshë që shoku i ekipit, Ryan Gravenberch tashmë ishte vendosur në mesfushën e Ajaksit dhe kishte nisur të përfaqësonte kombëtaren – Dumfries ishte ende duke luajtur futboll amator me BVV Barendrecht.
Ai gjithashtu luajti në dy ndeshje miqësore për ekipin kombëtar aruban. Në atë kohë Giovanni Franken ishte menaxher i ekipit kombëtar të Arubës. “Unë pashë te Dumfries ‘motorrin’ që u mungonte lojtarëve të tjerë”, thotë Franken. “Kuptohet kur një lojtar do të arrijnë në majë. Dirk Kuyt ishte gjithashtu një i tillë.”
Interesante, dy ditë pas paraqitjes së tij të shkëlqyer kundër Ukrainës kur u pyet se kush ishin idhujt e tij holandezë: ai përmendi Clarence Seedorf, Edgar Davids … dhe Kuyt. “Më pëlqente ta shikoja duke luajtur për shkak të volumit të tij të punës dhe mënyrës se si ai futej në ndeshje,” tha ai për ish-anësorin e Feyenoordit dhe Liverpulit.
Sigurisht, një lojtar me energjinë dhe personalitetin e Dumfries nuk mund të kalonte gjithë karrierën në futbollin amator pa u vënë re. Ai u transferua tek Sparta Rotterdam në 2014-ën, tek Heerenveeni tre vjet më vonë, para se të transferohej tek PSV Eindhoven në 2018-ën. Po atë sezon, Ronald Koeman i dha atij debutimin me kombëtaren në një ndeshje të Ligës së Kombeve kundër Gjermanisë.
Ky holandez i ekuilibruar me emër skocez tani është zgjedhja e parë e padiskutueshme për pozicionin e mbrojtësit të krahut të djathtë në formacionin Oranje. 5-3-2 i preferuar nga trajneri Frank de Boer i jep Dumfriesit shumë hapësirë për të shtyrë përpara./ TIRANA TODAY/T.Kotorri
