Profesori anglez paralajmëron tifozët: Kujdes nga prostitutat në Rusi

Botërori Rusi 2018 është vetëm një muaj larg dhe shumë tifozë kanë prenotuar biletat për të ndjekur nga afër kombëtaren e tyre në evenimentin më të madh të futbollit. Problemin më të madh duket se e kanë tifozët anglezë të cilët janë kërcënuar nga huliganët rus se do të ushtrohet dhunë ndaj tyre.Por tashmë përveç këtij problemi, vjen një lajmërim mjaft i rëndësishëm nga Profesor Anthony Glees, drejtori i studimeve inteligjente dhe të sigurisë në Universitetin e Buckingham. Ai është shprehur se anglezët duhet të jenë të kujdesshëm për veprimet që do të bëjnë atje dhe se duhet të rrinë larg prostitutave ruse. Kjo pasi mund të filmohen dhe më pas pamjet mund të përdoren për shantazh, shkruan DailyStar.