Kryetari i opozitës Lulzim Basha ka reaguar pasi Policia e Shteti procedoi penalisht 50 persona lidhur me protestën e së enjtes, ku mes tyre ishte dhe kreu opozitar. Basha e quajti një veprim qesharak dhe tha se beteja do të vazhdojë.
“Ishte një veprim qesharak i hetuesisë politike Rama- Marku, i cili ekspozon për fat të keq atë që e kemi paralajmëruar prej kohësh. Tani Edi Rama ka futur në dorë edhe drejtësinë edhe Prokurorinë. Kjo është faza e fundit e autokracisë ku grumbullon të gjitha pushtetet. Unë e kam për nderë që të procedohem penalisht bashkë me qytetarët që jemi ngritur në protestë për një të drejtë legjitime, për të mbrojtur 11 kuksianët e arrestuar padrejtësisht dhe që mbahen padrejtësisht në qelitë e burgut. Beteja jonë do të vazhdojë. Askush prej nesh nuk frikësohet apo prapëset nga ky veprim qesharak i hetuesisë politike”, tha kryedemokrati.
Basha zhvilloi një takim në selinë e PD me kryetarin e bashkisë së Mitrovicës, Agim Bahtiri.
“Folëm për zhvillimet në Mitrovicë dhe në Kosovë të cilat natyrisht unë i ndjek më vëmendje të madhe. E kam përgëzuar për punën e jashtëzakonshme që ka bërë, në veçanti në përparimin e përditshëm për largimin e barrierave që i ndajnë qytetarët e Mitrovicës dhe në investimet dhe përkushtimin e tij për zhvillimin ekonomik dhe krijimin e shanseve për punësim në Mitrovicë në veçanti për rininë. Po kështu i kam shprehur vendosmërinë time dhe të Partisë Demokratike për të bërë gjithçka që asnjë pengesë e re të mos vendoset mes Shqipërisë dhe Kosovës. Por të hiqen pengesat ekzistuese të lehtësohen sa më shumë komunikimi dhe të ulet kosto shkëmbimeve tregtare dhe ekonomike mes Shqipërisë dhe Kosovës. Dhe pjesë e padiskutueshme e kësaj është përkushtimi i PD-së që të mos ekzistojë asnjë taksë asnjë tarifë shtesë për rrugën e Kombit. Jo më kot takimin e kemi bërë në pranit të kryebashkiakut të Kukësit zotit. Shehu.
Nga ana tjetër i kam dhënë mbështetjen totale përpjekjeve të tij dhe të lidershipit të Kosovës për të përparuar me objektivin e popullit të Kosovës por këtu besoj se është objektiv i Evropës, dhe i partnerit tone strategjik SHBA-ve për bashkimin e Mitrovicës në të gjitha senset dhe në të gjitha kuptimin e saj. Një bashkim ekonomik, social i cili t’i japë fund ndasive manipulimit politik që është bërë këta 18-vjet. Por për të hapur së mashkull me shqiptarët dhe serbet një kapitull të ri të një Kosovë e cila funksionon dhe përparon e bashkuar drejt një qëllimi: Kosovës Evropiane, Kosovës Euroatlantike, si garanci dhe hipotekë për stabilitetin rajonal dhe për të ardhmen Evropiane të të gjithë vendeve të rajonit përfshirë edhe Serbinë”, tha Basha. TIRANA TODAY
