Problemi i Dani Alvesh është se duhet të përballet me Ronaldon

Dani Alves që nga transferimi në Francë tek PSG ka pasur një ecuri mjaft të mirë dhe fitoi vendin titullarë. Por ai është mjaft i rëndësishëm edhe për të karikuar ekipin apo për të mbajtur një atmosferë pozitive në dhomat e zhveshjes. Aktualisht braziliani ka sjellë një shqetësim tek parisienët, pasi do të përballen me Real Madridin dhe Alvesh po vlerësohet moralisht dhe psikologjikisht i gatshëm, por jo fizikisht.

Në këtë kuadër, Alain Roche, ish-drejtori sportiv i PSG deklaroi se: “aktualisht ka probleme me lojtarët teknikë dhe ata të shpejtë në duelet një kundër një. Problemi është se rivali i tij direkt i ardhshëm është pikërisht Cristiano Ronaldo …”. Alves, konkretisht konsiderohet i rëndësishëm veçanërisht për atmosferën që krijon në dhomat e zhveshjes dhe në kampin e PSG, ku merr shpesh herë cilësitë e liderit.