Ish-ministri i Mjedisit, Lefter Koka, ka patur probleme shëndetësore, e për rrjedhojë është shtruar në spital. Burimet bëjnë me dije se ai ka shfaqur probleme me zemrën dhe çrregullime të sistemit Kardiak, e për këtë arsye është transferuar në spitalin e burgjeve një ditë më parë.
Lefter Koka u arrestua me 14 dhjetor me urdhër të Prokurorisë së Posaçme kundër Korrupsionit dhe Krimit të Organizuar (SPAK).
Koka akuzohet për veprat penale “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
