Operatori i Shpërndarjes së Energjisë Elektrike njofton se disa lagje në kryeqytet nuk do të kenë energji gjatë ditës së sotme.
Shkak për këtë është bërë stakimi i transformatorit nr.1 i N/Stacionit Rajonal (OST), i cili la pa energji disa fidera 20kV te OSHEE.
Por falë ndërhyrjes së shpejtë situata është normalizuar në disa vende. Bëhet me dije se jashtë pune kanë mbetur vetëm dy fidera, të cilat furnizojnë rrugët si më poshtë.
Rrugët “Besa, “5 Maji”, “Rruga e Dibrës” zona pranë Elektro-Mjekësores, tv brenda territorit të Kinostudios, qendra tregtare “Konkord”, “Siri Kodra”, “Papa Nikolla Papajani”, 2000 Apartamentet, “Osman Jonuzi, Korabi dhe rruga “Llazar Shapatimi”.
